Prokuroria ka kërkuar burgim të përjetshëm për Hysnie Hoxhallarin e Kasëm Pirjasin, të cilët në bashkëpunim me njëri-tjetrin vranë me sëpatë nënë e bir dhe më pas dogjën banesën e tyre.
Ngjarja e ndodhur në vitin 2018 bëri bujë, pasi nusja e shtëpisë, Hysnie Hoxhallari, në bashkëpunim me të dashurin e saj, masakruan me sëpatë nënë e bir e më pas i dogjën.
Policia arriti që të zbardhte krimin pasi çifti u kap në tenativë duke zhdukur kartat e telefonit.
Mësohet se Kasem Pirjasi, i dashuri i Hysnie Hoxhallarit, ka kërkuar nga Krimet e Rënda që t’i heqin arrestin me burg, pasi vrasja e dyfishtë është kryer vetëm nga Hysnia.
Mirëpo sipas Prokurorisë, tashmë të dy rrezikojnë burgim të përjetshëm për shkak të krimit makabër që kanë bërë në bashkëpunim.
