Ishte fundi i vitit të shkuar kur mediat italine do të pushtoheshin nga një lajm i bujshëm; në afërsi të burgut në Solliciano, në 4 valixhe të ndyshme, do të gjendeshin copëza trupash njerëzorë.
Bëhej fjalë për vrasjen e kobshme të çiftit shqiptar nga Vlora, Shpëtim dhe Teuta Pasho.
Më 22 dhjetor, me urdhër të prokurores Ornella Galeotti ra në pranga Elona Kaleshi, ish e dashura e djalit të tyre, Taulantit, për akuzat e vrasjes së dyfishtë, masakrimit dhe fshehjes së kufomave të tyre.
Së fundmi, prokurorja Ornella Galeotti tha se janë gjetur disa gjurmë dhe në bazë të ekspertizave të bëra të ADN-së synohet të zbulohet se kush është i përfshirë në vrasjen horror. Po kështu mësohet se të dyshuar për vrasjen e të ndjerëve është jo vetëm Kaleshi, por edhe djali i çiftit Pasho, Taulanti, si dhe vëllai i Elonës, Denis Kaleshi.
Nisur nga fakti se Elona nuk e nget dot makinën, mendohet se dy personat e lartpërmendur mund të kenë qenë të parët që ajo u ka kërkuar ndihmë.
Mister mbetet gjithashtu një abort i Elona Kalleshit, gjate kohës kur Taulant Pasho gjendej në qeli. Sipas saj, ajo mbeti shtatzënë nga një takim në burg me 33-vjeçarin, por më pas mori vendimin të hiqte fëmijën. Ndoshta ky abort mund të ketë nxitur konflikte me familjen.
