Kreu i Partisë Demokratike, Lulzim Basha ka reaguar me anë të një postimi në rrjetet sociale lidhur me masakrën që u bë në orët e vona të natës në Velipojë, ku për pasoj mbetën të vrarë katër persona dhe u plagosën dy të tjerë. Basha duke iu referuar postimit të kryeministrit Edi Rama, i cili ditën e sotme përshëndeti me një foto nga bregdeti i Velipojës, pa përmendur ngjarjen e rëndë që ndodhi dhe më pas e fshiu postimin.
Basha e quan postimin e Ramës cinik, teksa shkruan se shteti është gjunjëzuar përpara krimit. Kreu i Partisë Demokratike ndër të tjera bën përgjegjës për situatën kryeministrin e vendit Edi Rama. Gjithashtu ai shprehet se jeta e qytetarëve shqiptarë është në rrezik .
“Kur policia reduktohet në vegël të regjimit për të mbrojtur pushtetin dhe lidhjet me krimin, kur përgjigja e vetme sa herë përgjaken qytetet tona është “hëngshin kokat e tyre”, jeta e qytetarëve, fëmijëve dhe familjeve shqiptare është në rrezik. Me postimin cinik si i sotmi pas masakrës së Velipojës, përgjegjësi për këtë situatë nuk e fsheh dot përgjegjësinë e tij, por vetëm rikonfirmon gjunjëzimin e shtetit para krimit të bërë njësh me pushtetin e tij të korruptuar deri ne palcë”, shkruan Basha në “Tëitter”.
