Masakër në Manchester, 40-vjeçari plagos 5 persona brenda qendrës tregtare

Google+ Pinterest LinkedIn Tumblr +

Manchesteri u trondit ditën e sotme nga një sulm i cili la 5 të plagosur.

Një person hyri brenda qendrës tregtare “Arndale” me një thikë në dorë, duke qëlluar këdo që i dilte përpara.

Njerëzit të tmerruar filluan të vraponin dhe të gjenin vende për t’u fshehur, shkruan “Daily Mail”.

Policia erdhi menjëherë në vendngjarje dhe boshatisi zonën.

Më pas ata arrestuan një të dyshuar në rrugë, rreth moshës 40 vjeç, i cili tashmë po merret në pyetje.

Dy burra dhe një grua janë në momentin të vetëdijshëm, ndërsa gjendja e dy të plagosurve të tjerë, ende nuk dihet.

Qëndra tregtare ku ndodhi sulmi, ndodhet pranë “Manchester Arena” dhe stacionit hekurudhor “Victoria”, vende këto ku kanë ndodhur sulme terroriste së fundmi.

Në maj të 2017-ës, Salman Abedi shpërtheu një bombë në koncertin e Ariana Grandes, duke shkaktuar dhjetëra viktima.

Ndërsa vitin e ri të shkuar, tre qytetarë dhe një polic u sulmuan me thikë nga një 25-vjeçar.

Nisur edhe nga precedentët e mëparshëm, policia e Mancesterit ka rrethuar zonën përreth me patrulla të shumta.

Shpërndaje
Share.

Komento