Një ngjarje e rëndë është regjistruar ditën e sotme në qytetin e Gjilanit.
Një zyrtare policie ka vrarë dy prindërit e saj, dy vëllezërit dhe më pas i ka dhënë fund jetës.
Ngjarja është regjistruar në lagjen “Bujanina” të qytetit të Gjilanit.
Trupat e viktimave janë dërguar në Institutin e Mjekësisë Ligjore në Prishtinë.
Ndërkohë një grup hetimor është ngritur për të zbardhur rrethanat e ksaj ngjarjeje të rëndë.
“Sipas informatave të para, dyshohet se në lagjen “Bujanina”, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje. Në vendin e ngjarjes menjëherë kanë dalë policia, prokurori i rastit dhe ekipi mjekësor, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për autopsi, në Institutin e Mjekësisë Ligjore, në Prishtinë. Rasti është duke u hetuar, ndërsa për detajet e tjera do të informoheni me kohë.”, thuhet në njoftimin e policisë.
