Deri tani ky shtet e ka kontrolluar në një formë të pranueshme përhapjen e koronavirusit në popullatë, duke mbajtur një ritëm optimal edhe në spitale.
Por gjerat duket se po ndryshojnë pasi landet e Gjermanisë janë duke kërkuar masa më të rrepta kufizimi në të gjithë vendin, për të parandaluar përhapjen e infektimeve të Covid-19.
Udhëheqësit e Landeve i kanë kërkuar Kancelarës, Angela Merkel, që kufizimet e vendosura në 2 nëntor të shtyhen të paktën deri në fund të dhjetorit.
Në lidhje me këto kërkesa, Kancelarja Merkel, ka deklaruar një takim të mërkurën për të analizuar situatën dhe për të vendosur nëse do të ashpërsohen masat apo jo.
Sipas mediave gjermane, Kryeministrat e Landeve kanë kërkuar që të reduktohen tubimet nga njerëzit, të ketë rregulla më të ashpra për mbajtjen e maskës, si dhe në periudhën e festave mos të ketë organizime dhe të ndalohet hedhja e fishekzjarrëve.
Ndërkohë që në lidhje me ashpërsimin e masave në fillim të nëntorit gjermanët nuk e pritën shumë mirë dhe filluan të dilnin në protesta dhe marshime të shumta në mënyrë që të liroheshin masat e marra.
Ata në protesta e konsideruan mbylljen e vendit me periudhën e qeverisjes nga nazistët e Hitlerit.
/GazetaReforma.com/
