Duke marrë në konsideratë uljen e riskut të infektimeve, nivelit të lartë të vaksinimit, përvojës së fituar, situatës aktuale ku në asnjë IEVP nuk ka të prekur, Drejtoria e Përgjithshme e Burgjeve i ka propozuar Ministrit të Drejtësisë, z.Ulsi Manja lehtësimin e kufizimeve për parandalimin e përhapjes së pandemisë.
Konkretisht lehtësohen masat kufizuese lidhur me pandeminë e Covid, për takimet me familjarët në Institucionet e Ekzekutimit të Vendimeve Penale.
Mes propozimeve të miratuara nga Ministri i Drejtësisë janë edhe për:
- Të burgosurit gra dhe të mitur lejohen katër takime në muaj
- Për të burgosurit e martuar, apo që bashkëjetojnë sipas Kodit të Familjes lejohet një takim i zgjatur në muaj
Theksojmë se takimet familjare janë një element shumë i domsodoshëm në psikologjinë e rënduar e të burgosurve.
Në 5 vitet e fundit, numri të dënuarve me probleme të shëndetit mendor në burgje është dyfishuar.
Sipas statistikave, nga rreth 500 persona që vuajnë nga shëndeti mendor dhe janë në burgje, 232 prej tyre janë dënuar që në fillim nga gjykata për t’u izoluar burgun e Zaharisë – burg i posaçëm për këtë kategori. Ata kanë kryer vepra penale për të shkak të gjendjes së tyre shëndetësore.
Nga 232 personat që ndodhen në burg me vendim gjykate për mjekim të detyruar, 24 janë gra.
