Marsida Qatja rrezikon 5 vite burg, ja cila është prova që mund ta fundosë

Google+ Pinterest LinkedIn Tumblr +

Me zbulimin e provave të reja, historia e Kavajës pritet të marrë një rrjedhë tjetër.

Kokaina e gjetur në shtëpinë e Marsida Qatjas mund të rëndojë shumë pozitat  e saj.

Sipas “Faxweb”, Qatja po hetohet nga Prokuroria e Durrësit, për përshtatjen e banesës së saj për mbajtjen dhe përdorimin e lëndëve narkotike.

Për këtë vepër, kodi penal parashikon deri në 5 vjet burg.

Gjithashtu mbi Marsidën rëndojnë edhe deklarata kontradiktore që ka dhënë në polici, në media dhe në Prokurori.

Ajo ka pohuar përpara oficerit të Policisë Gjyqësore, se është përdoruese e drogës, të cilën e kishte konsumuar edhe natën kur ndodhi krimit.

Kujtojmë këtu se një javë më parë në shtëpinë e Marsida Qatjas, nga shkëmbimi i zjarrit, mbeti i vrarë Dritan Haxholli, ndërsa u plagos shefi i sigurisë së burgut të Durrësit, Bledar Toçi.

Për të dhe vëllanë e tij, gjykata ka vendosur masën e sigurisë “Arrest me burg”, për shkak se në shtëpinë e tyre janë gjetur disa doza kokainë.

Ka dyshime të forta se Haxholli me Toçin njiheshin edhe më parë, pasi në rrjet ka qarkulluar një foto e të dyve, duke pozuar me armë nëpër duar.

Shpërndaje
Share.

Komento