Në dyert e Gjykatës Kushtetuese është dorëzuar sot nga grupi parlamentar i PD-së, i kryesuar nga Gazment Bardhi një padi për rrëzimin e marrëveshjes me Italinë për emigrantët.
Në një dalje për mediat, ishte deputetja Lindita Metaliaj ajo qe deklaroi se kjo është një marrëveshje antiligjore dhe se nuk kanë asgjë me popullin italian.
“Dorëzuam padinë për këtë marrëveshje, pasi jemi në mbrojtje të interesit të qytetarëve. Nuk mundet të vendosë për fatin e vendit tonë në shkelje të të drejtave të njeriut. I jemi falënderues popullit italian, por kjo nuk ka të bëjë me ta. Ne do të presim vendimin e gjykatës Kushtetuese dhe nëse pajtohet apo jo kjo marrëveshje me Kushtetutën e Shqipërisë”, tha Metaliaj.
Lidhur me këtë çështje kjo padi është e dyta që dorëzohet në gjykatë, pasi më parë Partia Demokratike zyrtare, deklaroi se ka çuar në Kushtetuese këtë marrëveshje.
