Deputeti i zgjedhur i Partisë Demokratike, Mark Marku ka pranuar humbjen e zgjedhjeve të 25 prillit ndërsa ka vijuar me kritika të ashpra për PD-në dhe kreun e saj, Lulzim Bashën.
I ftuar në emisionin “Kjo javë”, ka thënë se humbja shihet nga fakti që nuk jemi në pushtet, ndërsa ka vazhduar më tej duke thënë se fakti që nuk fituam nuk e justifikon blerjen e votave. “Por kur merr përsipër të drejtosh një aksion politik të një force politike, siç e mori dhe zoti Basha, ti duhet të marrësh parasysh faktin se ke përgjegjësi, pavarësisht se çfarë bënë kundërshtari. Duhet të ketë strategji të qarta, bindjen, taktikat.”, është shprehur Marku.
Ai më tej ka shtuar se e dinin që kishte vjedhje masive të votave dhe një situatë e tillë sipas tij ka qenë në të gjithë vendin dhe jo vetëm në Lezhë.
“Patjetër që i kemi humbur, nuk jemi në pushtet. Nëse të vjedh dikush, ke humbur diçka. Ka pasur vjedhje masive, por ne e dinim. Unë e dija që në Lezhë qeveria kishte dhënë para pa fund, apo administrata po blinte vota, apo grupet kriminale ishin të interesuara që PS të mbante pushtetin. S’shkova unë se në popullin e Lezhës situata ishte rozë. Por kur merr përsipër të drejtosh një aksion politik të një force politike, siç e mori dhe zoti Basha, ti duhet të marrësh parasysh faktin se ke përgjegjësi, pavarësisht se çfarë bënë kundërshtari. Duhet të ketë strategji të qarta, bindjen, taktikat. Unë isha i bindur. Aty më thonin; kanë hedhur para për tërmetin.
Unë i thoja; po i kanë hedhur, por njerëzit përveç këtyre shtëpive që duan të riparojnë, kanë dhe interesa të tjera dhe fshatra jonë do të përqendrohet në mënyrë të segmentizuar për probleme që ata kanë. Duke iu ofruar dhe një miniprogram dhe duke komunikuar me ta. Duke krijuar besueshmëri. E njëjta situatë ka qenë kudo. Në Lezhë janë blerë vota. Situatë e tillë ka qenë kudo, por morëm përsipër se pavarësisht kësaj, duke ditur se kush ishte Rama dhe se si do funksiononte qeveria, morëm përgjegjësin të bënim një fushatë për të bërë ndryshimin. Ky është fakt që ka pasur blerje masive të votave, por kjo nuk është arsye se pse nuk fituam”, u shpreh Marku
