Problemet me vonesat e fluturimeve në aeroportin e Tiranës të sjella nga kompanitë “low cost”, Wizz Air dhe Ryanair janë kthyer në një maratonë “skandalesh” për shërbimin ndaj udhëtarëve shqiptarë dhe jo vetëm.
Pavarësisht denoncimeve të bëra, nuk ka ende asnjë shenjë reflektimi nga ana e këtyre kompanive, ku përveç vonesave, udhëtarët nuk dëmshpërblehen në rast se fluturimi anulohet.
Ata përballen me këtë situatë pothuajse çdo ditë. Rasti më i fundit është ai i djeshmi, ku udhëtimet e parashikuara mbrëmjen e së mërkurës, në nisje dhe në ardhje, nga këto dy kompani janë shtyrë.
13 fluturime drejt Rinasit dhe 15 të tjera në nisje nga Aeroporti i Tiranës kanë qenë me vonesë. Në Romë, avioni i Ryanair që duhej të nisej në orën 18:30 i ka ngarkuar pasagjerët me 15 minuta me vonesë dhe nuk lejohet të niset për shkak të trafikut ajror. Pasagjerët u detyruan të qëndrojnë në avion për të paktën një orë.
Imazhi i Aeroportit të Tiranës është cenuar nga këto kompani të papërgjegjshme.
Nëse do të shikojmë vlerësimin në faqen “Flight Radar” për dje Rinasit i është dhënë kodi 5, që do të thotë vonesa shumë të gjata dhe anulime të shpeshta.
Megjithatë ajo që mbetet shqetësuese është fakti se, pavarësisht vonesave të herëpashershme, ndaj këtyre dy kompanive nuk është marrë asnjë masë nga autoritetet vendase por qoftë edhe ato të mbërritjes.
View this post on Instagram
