Maqedonia e Veriu shtyn zgjedhjet për shkak të koronavirusit, Zaev propozon shpalljen e gjendjes së jashtëzakonshme

Google+ Pinterest LinkedIn Tumblr +

Zgjedhjet e parakohshme në Maqedoninë e Veriut do të shtyhen për shkak të koronavirusit.

Vendimi është marrë gjatë takimit të presidentit Stevo Pendarovski me krerët e partive politike.

Përfaqësuesi i Bashkimit Demokratik për integrim, Bujar Osmani, tha se presidenti do të konsultohet me ekspertët juridikë, për të përcaktuar mënyrën ligjore për shtyrjen e zgjedhjeve.

“Kemi konstatim të përbashkët se zgjedhjet do të duhet të anulohen sepse shëndeti i qytetarëve është më i rëndësishëm. Mënyrën se si do të implementohet ky vendim politik mbetet presidenti së bashku me ekspertët të vendosë në orët dhe ditët në vazhdim”, u shpreh Osmani.

Zgjedhjet parlamentare në Maqedoninë e Veriut ishin përcaktuar për t’u zhvilluar më 12 prill.

Ndërkohë kreu i LDSM, Zoran Zaev, ka propozuar shpalljen e gjendjes së jashtëzakonshme në vend.

“Sot kur kemi një armik të përbashkët të quajtur virusi korona nuk është koha për kundërshtarë politik. Në takim kam hapur si diskutim edhe nevojën për shpalljen e gjendjes së jashtëzakonshme, duke marrë parasyshë situatën, kjo do të ndihmonte në marrjen e masave si ekonomike ashtu edhe shëndetësore. Kemi përkuar nga presidenti Pendarovski që të mbledh ekip ekspertës për të gjetur mënyrën ligjore dhe formale për shtyrjen e zgjedhjeve”, tha ndër të tjera Zaev.

Ditën e djeshme, Maqedonia e Veriut shënoi 24 raste me koronavirus.

Shpërndaje
Share.

Komento