Atentati ndaj prokurorit Arjan Ndoja ka ngritur shumë pikëpyetje, përsa i përket karrierës së tij 15-vjeçare dhe pasurisë.
Për një kohë shumë të shkurtër, Ndoja ka vendosur një pasuri prej 780 mijë eurosh.
Pas shkarkimit si prokuror, Ndoja ka punuar si avokat, ndërsa familjes së tij i kanë dhuruar prona të ndryshme ndër vite.
Një fakt i dyshimtë në pasurinë e tij është shitja e një makinë “Mercedes Benz 190”, shkruan “Real Story”.
Ndoja ka deklaruar pronësinë e mjetit në vitin 2003, i cili kishte vlerën 200 mijë lek të reja.
Këtë makinë, në 2008-ën, ka arritur ta shesë me vlerë 550 mijë lekë, pothuajse me trefishin e çmimit.
Ndërkohë një vit më parë, ai kishte fituar gjyqin për t’u kthyer sërish në prokurori.
Kjo ngre dyshime të forta, nëse Ndoja ka qenë një tregtar i suksesshëm, apo kjo është një manovër për të justifikuar pasurinë.
Në të njëjtën mënyrë ai ka vepruar edhe për 20 hektarë tokë, për të cilat deklaron se ia kanë dhuruar bashkëshortes.
Ndoja nuk ka kaluar akoma në vetting, ndërsa Prokuroria e Përgjithshme me kërkesë të KLP ka nisur një hetim ndaj tij.
