Një incident i rrezikshëm është regjistruar në plazhin e Velipojës, ku një automjet është kapur duke kryer manovra të rrezikshme mbi rërë, në afërsi të pushuesve, duke vënë në rrezik sigurinë e tyre.
Menjëherë pas sinjalizimeve, Policia e Shtetit në bashkëpunim me Policinë Bashkiake ndërhyri dhe ndaloi mjetin, ndërsa ndaj drejtuesit janë marrë masa administrative sipas ligjit.
“Forcat e rendit nuk do të lejojnë asnjë shkelje që cenon sigurinë dhe qetësinë publike. Strukturat tona janë në gatishmëri të plotë për të garantuar mbarëvajtjen e sezonit turistik,” thuhet në njoftimin e policisë.
