Ministri i Drejtësisë, Ulsi Manja, ka deklaruar në Kuvend se gjobat për ndërtimet pa leje do të anulohen brenda këtij sesioni parlamentar.
Ai theksoi se mazhoranca ka numrat e nevojshëm për të miratuar ligjin dhe për të hequr këto gjoba, duke i cilësuar ato si të paekzekutueshme pas shumë vitesh.
Ulsi Manja: Pyetja është e thjesht a jeni dakord që ky Parlament me ligj të anulojë gjobat e paekzekutuara ndër vite? Ne si maxhorancë kemi numrat dhe do ti anulojmë këto gjoba. Pa diskutim, janë gjoba të paekzekutura ndër vite, sepse janë në pamundësi për ti ekzekutuar këto gjoba. Ky Parlament është në të drejtën e vet për ti anuluar dhe do ta bëjmë këtë gjoba, kemi numrat dhe mandatin për ta bërë këtë gjë. Kur të vini ju, anulojini ju. Ky Parlament brenda këtij sesioni parlamentar me ligj do të anulojë gjobat.
