Gazetari i një prej mediave më kryesore në SHBA, Fox Newsit, Tucker Carlson, ka deklaruar se ka zbuluar një listë me emrat e katër qytetarëve amerikanë, të cilën kishin vdekur prej vitesh, por që rezultojnë votues në zgjedhjet e këtij viti në SHBA.
Gjatë një emisioni në Fox News, Carlson ka publikuar një listë me emrat e katër personave të vdekur më herët, që votuan në zgjedhjet e këtij viti në SHBA, në shtetin e Georgias.
Georgia është një prej shteteve e cila mund të ndajë përfundimisht fituesin midis Trump dhe Biden, pasi janë më pak se 15 mijë vota diferencë.
Gazetari Carlson përfshiu në këtë listë edhe disa vota në Nevada. Clarson akuzoi zyrtarët për inkurajimin e ‘mashtrimit’ të votave me postë, duke dërguar një fletë votimi për të gjithë votuesit e regjistruar, pavarësisht se e dinin se 41,000 njerëz nuk kishin përditësuar të dhënat e tyre në më shumë se dhjetë vjetë, shkruan Daily Mail.
Gazetari pretendon se sistemi i postës në internet i krijuar për shkak të pandemisë ‘inkurajoi’ mashtrimin, duke lejuar që persona të dyshimtë të hidhnin votat për Rosemary Hardle, një mësues i shkollës fillore i cili vdiq në 2017, si dhe Fred Stoke Jr Clark, i cili gjithashtu vdiq në vitin 2017.
Carlson deklaroi se votuesit e vdekur ‘mesa duket’ votuan për Biden, megjithëse zgjedhjet e listuara në fletët e votimit të pretenduara nuk dihen dhe Carlson nuk kishte asnjë provë për pretendimin e tij.
Në fakt, arrestimi i vetëm deri më tani për përpjekjen për të votuar në emër të një personi të vdekur ishte një Republikan i regjistruar në Pensilvani që mbështeste Trump.
Por edhe nëse supozojmë se ata votuan për Biden, 25 vota nuk ndikojnë aspak në rezultatin e zgjedhjeve në shtetet e Giorgias dhe Nevadës, por shërben si precedent dhe dëshmi për manipulimet e kryera. /GazetaReforma.com/
