Me datë 19 korrik 2022 për Shqipërinë ndodhi një ngjarje historike, pasi më në fund u çelën negociatat për antarësimin në Bashkimin Evropian.
Ndërkohë që ditën e sotme qeveria ka organizuar një manifestim me pjesëmarrje masive në sheshin “Skënderbej.
Kryetari i Partisë Demokratike Sali Berisha ka publikuar në facebookun e tij një mesazh ku punonjësit e administratës detyrohen të marrin pjesë me urdhër në mitingun festiv që organizon nesër Partia Socialiste në Sheshin Skënderbej, për të festuar me disa këngëtar të njohur shqiptarë, hapjen e negociatave me Bashkimin Europian dhe miqësinë 100-vjeçare me SHBA.
Sipas Berishës ky është mitingu me detyrim i partisë-shtet.
“Ky është mitingu me detyrim i partisë-shtet!
Lexoni mesazhin që kanë marrë të gjithë rrogtarët e shtetit në Malesinë e Madhe! sb
Përshëndetje,
Në kuadër të 100 vjetorit të lidhjes së marrëdhënieve me SHBA dhe për të festuar hapjen e negociatave me Bashkimin Europian, jemi të ftuar me datë 28 korrik, ora 19:00 në sheshin Skënderbe.
Pjesëmarrja juaj dhe e punonjësve tuaj është e detyrueshme dhe e domosdoshme.
Ju lutemi të konfirmoni numrin e punonjësve që do sillni me emër, mbiemër, numër telefoni , sot deri në orën 15:00.
Nesër në orën 16:30 vihet ne dispozicion autobuzat pran drejtoris për në Tiranë.
Faleminderit!”, shkruan Berisha.
