“Mandati yt mund të mbarojë shumë shpejt”, Edi Rama paralajmëron Dritan Lelin

Google+ Pinterest LinkedIn Tumblr +

Pakënaqësitë gjithnjë e në rritje të qytetarëve të Vlorës ndaj administratës së bashkisë dhe kryetarit të saj Dritan Leli, kanë shtuar vëmendjen ndaj kryeministrit Rama.
I ndodhur ditën e djeshme në Vlorë, krejt papritur Rama ka thërritur në një takim urgjent kryebashkiakun Leli, kryetarin e Partisë Socialiste Socialiste lokale Anduel Tahiraj dhe drejtues të institucioneve vendore. Sipas “FaxNews”, as deputetët e Vlorës nuk kanë qenë të pranishëm në takimin e djeshëm.
Në këtë mbledhje Rama ka paralajmëruar Dritan Lelin se nuk do ta mbyllë dot as këtë mandat.

Ky ”paralajmërim” lidhet me punën e dobët që Leli ka bërë tërë këto vite, e shprehur nga pakënaqësia e vlonjatëve por edhe shumë punonjësve të administratës. Gjatë ditëve të fundit, mësohet se nje grup përfaqësuesish të bizneseve në zonën e Zvernecit kishin tentuar të takonin kryebashkiakun Leli për t’i shprehur shqetësimin e tyre se prishjet e objekteve që po planifikohet të kryhen në këtë zonë do të dëmtojnë sezonin turistik dhe ekonominë e qytetit. Refuzimi i Lelit për tu adresuar atje ku duhet këtë shqetësim ka bërë që Rama ta thërrasë mbledhjen pikërisht në Zvernec.
Kujtojmë se Leli u rikonfirmua në detyrën e kryebashkiakut qershorin e vitit 2019 në një garë pa rivalë dhe ku nuk arriti dot të grumbullojë as votat që kishte marrë në vitin 2015 kur u zgjodh për herë të parë.

Shpërndaje
Share.

Komento