Mandatet/ Kryemadhi: “Asnjë hap pas”

Google+ Pinterest LinkedIn Tumblr +

Në një takim me strukturat në Lezhë, kryetarja e LSI-së, Monika Kryemadhi foli sërish për dosjet që sipas saj trembin kryeministrin Rama.

Duke ju kthyer një përgjigje të gjithë skeptikëve, mes tyre edhe raportuesi për Shqipërinë në PE, Knuk Fleckenstein, ajo po ashtu sqaroi para elektoratit të saj arsyet pse i dogjën mandatet.

“Nga dosjet 339 dhe 184 e ka kapur ankthi Ramën. Çfarë janë këto dosje? Ajo që zbulohet aty është më e rëndë se shit-blejra e votës, është bërë përdorimi i bandave kriminale për ta blerë votën përmes kërcënimeve. Dosjet tregojnë hapur se si bandat kanë përfshirë segmentet më të lara të PS dhe qeverisë së Ramës në shit0blerjen e votës. Vendimi për të djegur mandatet ishte i vështirë, por çfarë do bëheshim ne, fasadë e shëmtuar e qeverisjes së Ramës? është tradhti , kombëtare t’i shërbesh Ramës, ne thjesht bënim sikur po bënim opozitë. Prandaj djegia e mandateve erdhi për të ndërgjegjësuar çdo qytetar, çdo socialist, çdo punonjës të administratës që shteti sot është i kapur, i kapur Parlamenti, drejtësia dhe siguria. Kemi vetëm një rrugë, përballje me këtë grup kriminal që ka kapur shtetin. Ne nuk tërhiqemi asnjë hap pas. Ne do vazhdojmë të luftojmë nuk kemi asgjë personale me Ramën por me dështimet e tij”– tha Kryemadhi.

Kryemadhi iu kërkoi të pranishmëve në takim të mos tërhiqen e kthehen pas nga rruga e nisur edhe nëse përballen me kërcënime apo ju troket në derë policia.

“Ne kemi nisur një rrugë që mund të jetë e gjatë dhe e vështirë. Kemi marrë parasysh çdo gjë, sot diskutojmë për mandatin tuaj që është hapja e negociatave me BE. Të bëjmë pakt për të rrënuar shtetin që po kalb Shqipërinë”,- vijoi ajo.

Shpërndaje
Share.

Komento