Disa minuta më parë, ministrja e Shëndetësisë, Ogerta Manastirliu, me anë të një video live në Facebook, ka lajmëruar planet e lehtësimit të masave në datat 11 dhe 18 maj, siç ishte paralajmëruar edhe më herët.
Nga 11 maji
-zonave të gjelbërta i shtohen edhe: Lushnja, Patosi, Roskoveci, Korca, Hasi, Kukesi, Lezha, Mirdita, Fushë-Arrëza, Malësia e Madhe, Puka, Vau i Dejës, Kavaja dhe Vora.
Në këto zona lejohet qarkullimi ndërqytetës brenda zonave të gjelbërta me automjet privat (duke lejuar udhëtimin e më shumë se dy personave të së njëjtës familje) deri në orën 21:00.
-lejohen të ushtrojnë veprimtari sipas protokolleve strikte të sigurisë klinikat dentare, parukeri, berber dhe dyqanet në qendrat tregtare.
-të riatdhesuarit, pas datës 11 maj të gjithë do të riatdhesohen në banesë.
Nga 18 maji:
-hapen baret, restorantet, muzetë dhe lejohen stërvitjet individuale të sportistëve deri në orën 17:30.
-do të fillojë zhvillimi i procesit mësimor dhe provimeve të Maturës Shtetërore sipas udhëzimeve dhe protokolleve të miratuara nga Ministria e Shëndetësisë.
-do të shtohen fluturimet e riatdhesimit, me detyrimin për vetëkarantinim në banesë.
-hapen nën rregulla rigoroze, muzetë, galeritë e arteve dhe sitet arkeologjike sipas protokolleve dhe udhëzimeve të miratuara.
Nuk lejohen: grumbullimet me më shumë se 5 veta, aktivitetet kulturore dhe sportive të çdo lloji dhe transporti publik si dhe njësitë ekonomike ende të mbyllura.
“Në vijim të planit të rihapjes, nëse do të vijojmë të kemi tregues të qëndrueshëm, sa i përket rasteve aktive ditore, numrit të shtruarve në spitale, pacientëve në terapi intensive, kemi planifikuar që prej datës 18 maj: Do të fillojë zhvillimi i procesit mësimor dhe provimeve të Maturës Shtetërore sipas udhëzimeve dhe protokolleve të miratuara nga Ministria e Shëndetësise. Po në këtë datë planifikojmë të hapen njësitë e shërbimit, bare dhe restorante vetëm në ambjentet e jashtme deri në orën 17:30. Duke filluar nga data 18 maj shtohen fluturimet e riatdhesimit, me detyrimin për vetekarantiim në banesë. Prej datës 18 maj planifikohet të hapen nën rregulla rigoroze, muzetë, galeritë e arteve dhe sitet arkeologjike sipas protokolleve dhe udhëzimeve të miratuara.
Nga data 18 maj do të lejohen me protokolle dhe masa sigurie dhe stërvitjet individuale të sportistëve në ambjente të hapura.Do të vijojnë të jenë të ndaluara aktivitetet kulturore dhe sportive në ambientet e hapura dhe të mbyllura. Po kështu do të vijojë të mbetet në fuqi ndalimi i grumbullimeve me shumë se pesë personave në ambientet publike si dhe do të mbetet i mbyllur dhe transporti publik”,- sqaroi ministrja.
https://www.facebook.com/edirama.al/videos/1164679523869595/
