Ministrja e Shëndetësisë dhe Mbrojtjes Sociale, Ogerta Manastirliu me anë të një postimi në rrjetet sociale ka bërë publike katër qarqet e Shqipërisë ku tashmë COVID-19 nuk ekziston më.
Dibra dhe Kukësi në veri dhe Gjirokastra me Korçën në jug nuk kanë asnjë rast aktiv me virus. Disa ditë më parë edhe Vlora është shënuar si një nga qarqet pa raste aktive, ndërkohe kujtojmë se edhe në qarqe të tjera shifrat janë shumë të ulëta.
“
🟢 Lajm i mirë 🙌🏼
Katër qarqe në vend nuk kanë aktualisht asnjë rast aktiv me #Covid19.
🟢Gjirokastër
🟢Dibër
🟢Kukës
🟢Korçë”, thuhet në statusin e bërë publik nga Ministrja e Shëndetësisë dhe Mbrojtjes Sociale Ogerta Manstirliu.
Gjithashtu në një tjetër postim në rrjetet sociale ministrja Manastirliu ka njoftuar të gjithë qytetarët se për pak orë përfundon vaksinimi i hapur në të gjithë vendin. Edhe më herët ajo ka bërë thirrje për vaksinimin e të gjithë personave që kanë dëshirë të imunizohen. Gjithashtu ajo ka thënë se qendrat e vaksinimit do të jenë të hapura deri në orën 20:00.
“Vijon në të gjithë vendin vaksinimi i hapur +18 vjeç në qendrat e vaksinimit të përqëndruar, ku ekipet tona mjekësore po bëjnë një punë të palodhur për t’iu përgjigjur në çdo kohë nevojave të qytetarëve.
Qendrat e vaksinimit do të jenë të hapura deri në orën 20:00.“,-shkruan ministrja e Shëndetësisë Ogerta Manstirliu.
