Së fundmi një ngjarje e rëndë u regjistrua në Itali, ku 26-vjeçarja shqiptare, Anila Grishaj humbi jetën në vendin e punës. Ajo punonte në një kompani të industrisë ushqimore, aty ku gjeti dhe vdekjen.
Mediat e huaja, raportuan se vajzës së re i ngeci koka brenda një makinerie, duke i sjellë vdekjen e menjëhershme.
Janë zbuluar detaje të reja lidhur me këtë ngjarje shokuese. Burimet hetimore në Itali bëjnë të ditur se ky aksident ka ardhur nga një gabim njerëzor.
Mediat italiane shkruajnë se mekanizmi që shkaktoi traumën fatale është aktivizuar pa dashje nga një koleg i viktimës.
Familjarët e viktimës e mësuan lajmin nga mediat, duke iua bërë akoma edhe më të vështirë humbjen e saj.
