Një automjet tip BMW u përfshi nga flakët këtë të hënë në autostradën Laç–Mamurras, duke shkaktuar panik te drejtuesi i tij. Fatmirësisht, ai ka reaguar menjëherë dhe ka dalë nga makina në kohë, pa pësuar dëmtime.
Zjarri shpërtheu papritur në pjesën e përparme të mjetit, duke e përfshirë të gjithë automjetin për pak minuta. Edhe pse zjarrfikësit mbërritën në vendngjarje, makina ishte shkrumbuar plotësisht.
Dyshohet se shkëndija elektrike ishte shkaku i incidentit, ndërsa hetimet vijojnë për të zbardhur të gjitha detajet.
