Një aksident rrugor ka ndodhur mesditën e sotme në aksin Elbasan-Librazhd.
Aksidenti ka ndodhur në vendin e quajtut Labinot-Fushë, ku kanë mbetur të plagosur tre persona.
Sipas informacioneve paraprake, mësohet se familjarët e një fëmije ishin nisur drejt spitalit të Elbasanit, për të dërguar të miturin te mjekët, por gjatë rrugës drejtuesi i mjetit ka humbur kontrollin.
Policia ka bërë të ditur se fëmija po transportohet drejt spitalit të Tiranës, ndërsa dy personat e tjerë po marrin ndihmën e parë mjekësore në spitalin e Elbasanit.
Deri më tani nuk dihen rrethanat e aksidentit dhe identiteti i personave të plagosur.
Policia ndodhet në vendin e ngjarjes për të bërë të mundur shkaqet e aksidentit.
