Për 49% të qytetarëve të Ballkanit Perëndimor, papunësia është problemi më i madh aktual, sidomos për të rinjtë, ndërsa 46% janë më të shqetësuar për situatën ekonomike. Ky është i shtati vit radhazi kur Barometri Ballkanik tregoi disa nga shqetësimet kryesore të njerëzve. E pranishme në këtë edicion, ishte dhe Majlinda Bregu, e cila u shpreh:
“Pandemia bëri që njerëzit të ndryshojnë prioritetet e tyre, duke iu përshtatur më fort realitetit tëri, që ndryshoi kryekëput nga Covid-19. Tashmë njerëzit janë më hezitues që të largohen për të punuar jashtë vendit. 37% e qytetarëve do ta merrnin këtë vendim, një shifër kjo që sa vjen e ulet, krahasuar me vitin e kaluar.
Bizneset e Ballkanit Perëndimor vërejnë se ata padyshim do të përfitojnë nga udhëtimi nëpër rajon me karta identiteti, një marrëveshje që negociohet si pjesë e axhendës së Tregut të Përbashkët Rajonal.
61% e të anketuarve mbështesin këtë iniciativë, pasi udhëtimi midis disa prej ekonomive të rajonit po përballet me pengesa të mëtejshme. Marrëveshja Rajonale e Roaming ka ndihmuar gati gjysmën e të anketuarve të kursejnë para në kostot e telefonit (48%).
Kjo jep një stimul pozitiv në prag të një ngjarje të rëndësishme: asaj të 1 korrikut, kur tarifat e roamingut do të reduktohen në zero brenda rajonit“, u shpreh Majlindja Bregu.
