Duket se Macron po e humbet mbështetjen e qyetarëve francez, sidomos pas deklaratave të fundit.
Presidenti ka kritikuar francezët se nuk janë duke u përpjekur mjaftueshëm që të arrijnë qëllimet e tyre, duke marrë parasysh që “jelekverdhët” kanë hyrë në javën e tyre të nëntë të protestës.
“Shumë nga qytetarët tanë mendojnë se është e mundur të fitojmë diçka pa përpjekje të duhur”, tha ai të premten.
“Nganjëherë njerëzit harrojnë se përveç të drejtave ekzistojnë edhe detyra,” deklaroi Macron.
Kjo deklaratë nuk kishte si të pritej mirë nga shumica dhe jo vetëm. Përveç qytetarëve kanë qenë edhe politikanët francez kundër këtyre komenteve. Disa politikanë të majtë dhe disa të djathtë I janë kundërpërgjigjur të indinjuar dhe me sarkazmë presidentit Macron.
“Së pari mendova se ishte e rreme, pasi presidenti nuk duhet t’i hedhë benzinë zjarrit, por është kështu në të vërtetë”, ka shkruar Olivier Faure, një nga liderët parlamentarë të Partisë Socialiste.
