Mbrëmjen e sotme analisti Lutfi Dervishi, i ftuar në emisionin “Ditari”, në A2CNN, ka folur për protestën e pedagogëve e cila vazhdon tashmë prej ditësh.
Sipas analistit, pedagogët nuk e kanë kuptuar atë që kjo qeveri lëshon pe vetëm kur sheh element të forcës, duke theksuar jo fizike.
Gjithashtu Dervishi thotë se nëse nuk e sheh këtë element, qeveria nis me talljet dhe cinizmin.
“Ajo çka pedagogët se kanë kuptuar është se kjo qeveri lëshon pe vetëm kur sheh elemntë të forcës, në moment që se sheh nis tallja, cinzimi.
Pedagogët duhet ta kuptojnë se pa një element force, jo fizike, nuk besoj se kërkesat e tyre do merren parasyh.
Duket se nuk ka një sinkronizim të plotë mes studentëve dhe pedagogëve”, tha Dervishi ndër të tjera.
Kujtojmë se ky vit i ri akademik ka nisur me bojkot nga ana e pedagogëve, të cilët prej disa muajsh kërkojnë rritje të pagës.
Ata nuk janë pajtuar me rritjen e pagës prej 7% të ofruar nga qeveria dhe kanë lajmëruar bojkot edhe në ditët në vazhdim. Kreu i sindikatës së pedagogëve, Sandër Kovaçi ka thënë se nuk përjashtohet një takim me kryeministrin, pasi takimi me ministren e Arsimt, Evis Kushi, nuk rezultoi brenda pritshmërive.
