Kryetari i Partisë Demokratike, Lulzim Basha, është shprehur se zgjedhjet lokale të 30 qershorit do të shtyhen.
Në një intervistë dhënë në Ora News, kryedemokrati theksoi se para se të zhvillohen zgjedhjet duhet të ndëshkohet krimi elektoral.
“Data e zgjedhjeve lokale do të shtyhet. Zgjedhje lokale më 30 qershor nuk ka për të pasur. Ka më drejt se kjo?!
Pa u ndëshkuar krimi elektoral, pa u ndëshkuar përgjegjësit për krimet elektorale, as që mund të mendohet të garantohet një proces zgjedhor. Derisa nuk garantohet një proces zgjedhor si mund të ketë zgjedhje fallco. Zgjedhje fallco nuk do të ketë” – tha Basha.
Basha ndër të tjera ka kërkuar largimin e menjëhershëm të njeriut që e ka sjellë vendin në këtë pikë, në pikën që po kthen vizat për shqiptarët.
