Kandidatet për Partinë Socialiste, Luljeta Bozo dhe Najada Çomo , dy prurjet e reja të kryeministrit të vendit Edi Rama në listat e kandidatëve të PS-së, kanë marrë një numër të vogël votash. Vetë kryeministrei Edi Rama i konsideroi zgjedhje jo të rastësishme, pasi kanë pasur një ndikim të rëndësishëm në 15 muajt e fundit në vend. Por me sa duket qytetarët shqiptar nuk i kanqë “vlersëuar” aq sa duhet me vota. Nga numërimet e bëra deri në këto momente, Luljeta Bozo ka marrë 89 vota, ndërsa Najada Çomo vetëm 33 vota.
Nga ana tjetër kandidatja për deputete e PS-së, Anila Denaj ka rezultuar më e preferuara në Bashkinë e Delvinës në bazë të votave të marra. Denaj ka marrë 1 mijë e 234 vota, ndërsa kryeministri Rama ka marrë 183 vota. Deri më tani, Rama rezulton i treti, pasi i dyti është Niko Kuri me 234 vota nga socialistët. Ndërsa në qarkun e Vlorës, Rama është i pari me 10660 vota.
Situata mund të ndryshojë pasi procesi zyrtar i numërimit të votave të kandidatëve sapo ka nisur.Pas mbylljes së numërimit të votave për subjektet politike në shumë bashki të vendit sot do të nisë zyrtarisht numërimi i votave për kandidatët.
Kujtojmë se ditë e djeshme Partia Socialiste, në sheshin “Skënderbej” festë në emër të fitores, ku dhe vetë kryeministri Edi Rama mbajti një fjalim.
