Taulant Balla, kreu i grupit parlamentar të Partisë Socailiste, i ftuar ditën e sotme në emisionin “Koha për tu zgjuar”, të gazetarit Bashkim Hoxha, ka thumbuar kreun demokrat Lulzim Basha.
Balla ndër të tjera e ka qujtuar kryedemokratin si “gjumash”, ndërsa i ka sugjeruar moderatorit që ta ftonte edhe atë një herë në emision. Kreu i grupit parlamentar socialist, ka folur edhe për fushatën zgjedhore, si dhe ka theksuar se ajo që është më e rëndësishme, është të fokusohen tek ajo çfarë duhet të themi te qytetarët. Ai ka prekur edhe procesin e rindërtimit dhe ka theksuar ndër të tjera se po ecën me sukses dhe se e rëndësishme është që ka dritë jeshile.
Moderatori Bashkim Hoxha: “Realitetet e fushatës kanë sjellë epitete për kundërshtarët”…
Kreu i grupit parlamentar të PS-së, Taulant Balla: “Epitetet?! Të jesh te “Koha për t’u zgjuar”, epiteti i parë që të shkon për Lulin është: ‘Gjumash’. Thirre njëherë ta zgjosh dhe ti njëherë. Cohu mor njëherë, thirri mor popullit në mëngjes. Unë gjykoj se fushata zgjedhore duhet të fokusohet tek ajo çka duhet të themi te qytetarët. Kemi një bilanc të të gjitha sektorëve në këto vite. Procesi i rindërtimit ka ecur shumë mirë, ku askush prej nesh s’do ta kishte menduar. Ka ende familje që jetojnë me qira, apo me çadra. E rëndësishme është që në fund të tunelit ka dritë jeshile”, tha Balla mes të tjerash.
