Super derbi i Tirnaës luhet sonte. Partizani-Tirana, në një duel që nis pres orës 18:00 në stadiumin Elbasan Arena. Që nga fillimi i pandemisë e deri më tani edhe kjo ndeshje do të luhet pa praninë e tifozëve të cilët duhet thënë se janë një mungesë e madhe, duke marrë parasysh që ultrasit janë një nga gjërat më të bukura në vitet e fundit.
Djajtë e kuq të Partizanit pritet të luajnë me formacionin 4-3-3. Në portë si gjithmonë Hoxha, në mbrojtje janë Mala, Bitri, Belica dhe Hakaj. Ndërsa Broja, Murataj dhe Cordeiro janë të përzgjedhur për mesfushën, kurse Asani, Solomon dhe Bardhi mbulojnë repartin e ofensivës.
Ndërkohë te bardheblutë e Tiranës Dede në portë do të jetë Bekaj, i cili para tij do të ketë dyshen treshen Toshevski-Hoxhallari-Najdovski. Edhe në këtë ndeshje mesfusha pritet të jetë me katër lojtarë. Batha e Toli pozicionohen në qendër, kurse Halili e Ismajlgeci nga krahët. Në sulm do të luajnë nga minuta e parë Seferi dhe Muçi, të cilët do të mbështeten nga argjentinasi Agustin Torassa.
PARTIZANI (4-3-3): Hoxha; Mala, Belica, Bitri, Hakaj; Murataj, Broja, Cordeiro; Asani, Solomon, Bardhi. Trajner: Ilir Daja.
TIRANA (3-4-1-2): Bekaj; Toshevski, Najdovski, Hoxhallari; Halili, Toli, Batha, Ismajlgeci; Torassa; Muçi, Seferi. Trajner: Nevil Dede.
