Vendet e fuqishme jo vetëm që e kurojnë por hartojnë edhe strategji dhe politika afatgjata për t’u mbojtur nga koronavirusi.
E tillë është edhe qeveria gjermane, e cila është duke investuar 500 milionë euro, për të përmirësuar sistemet e ventilimit në ndërtesat publike, me qëllim luftimin e koronavirusit.
Moti i ftohtë krijon më shumë rreziqe për njerëzit sepse ata kalojnë më shumë kohë në ambiente të mbyllura.
Qëllimi kryesor, është thënë të jetë përmirësimi i sistemeve aktuale të kondicionerëve, në vend të instalimit të sistemeve të reja, që kushtojnë më shumë.
Grantet do të shkojnë për përmirësim të qarkullimit të ajrit në zyra publike, muze, teatro, universitete dhe shkolla.
Kompanitë private ende nuk kanë qasje në këto fonde. Viruset përhapen nga stërpikla të vogla, të cilat lirohen nga njerëzit e infektuar sidomos kur teshtijnë apo kolliten.
Studimet sugjerojnë se ato mund të mbesin në ajrin e një dhome për të paktën tetë minuta, transmeton BBC.
Qeveria gjermane po ashtu ka thënë se, dëshiron që shkollat të cilave iu mungojnë sistemet e kondicionerëve, të paktën të pajisjen me filtrues mobilë të ajrit.
Por ekspertët gjermanë thonë se, aparaturat që lirojnë drita UV, jonizim dhe ozon mund të mos jenë efektive kundër koronavirusit dhe në disa raste, madje të përkeqësojnë kualitetin e ajrit.
/Burimi: BBC/Përktheu: GazetaReforma.com/
