Monika Kryemadhi dhe Lulzim Basha firmosin marrëveshjen politike të bashkëpunimit pas zgjedhor në orën 10:00 ditën e nesërme.
Marrëveshja do të firmoset në një prej hoteleve luksoze të Tiranës dhe jo në njërën prej selive të partive.
Kujtojmë se Partia Demokratike ia ka arritur të grumbullojë rreth vetes të gjithë aleatët e vegjël opozitarë, përfshi dhe partinë e Bamir Topit, po pa mundur të bëjë një koalicion edhe me LSI-në.
Sipas kryetares së Lëvizjes Socialiste për Integrim, Monika Kryemadhi tha se ka vendosur të garojë e vetme duke e arsyetuar zyrtarisht këtë vendim me maksimalizimin e votës opozitare.
Ndërkohë që LSI mungon, edhe Shpëtim Idrizi, Fatmir Mediu, të cilët për një kohë të gjatë I refuruzan ofertat e Partisë Demokratike, vendosën të jenë pjesë e koalicionit me 16 parti, që do të mbajnë emrin: “Partia Demokratike-Aleanca për Ndryshim”. Udhëheqëse e tij është zgjedhur Partia Demokratike, ndërsa listat shumë emërore të kandidatëve për deputet do të paraqiten në KQZ prej liderit të saj, Lulzim Basha.
Rikthimi i Partisë së Bamir Topit FRD-së, në koalicion me PD-në ra në sy, pas aleancës së tij në zgjedhjet e fundit me Partinë Socialiste, që surprizoi jo pak. Po ashtu bëri përshtypje marrëveshja me kreun e Ballit Kombëtar, i cili pranoi mandatin e deputetit pas djegies së tyre nga PD dhe LSI.
Sa i përket numrit të kandidatëve që do të përfaqësojnë secilën parti dhe vendosjes së tyre në listë sipas rendit, kjo do të varet prej rezultateve të mëparshme zgjedhore.
