Stefania Nobile, vajza e Wanna Marchi, e njohur për fama e saj në botën e telemarketingut, dhe ish-partneri i saj, Davide Lacerenza, pronari i Gintoneria, një lokal luksoz për VIP-at në Milano, janë arrestuar nga autoritetet italiane.
Ata dyshohen se kanë shndërruar lokalin në një “fole” prostitucioni.
Sipas hetimeve, Lacerenza kishte menaxhuar pagesat për shampanjën, ndërsa shërbimi seksual ofrohej nga vajzat.
Po ashtu, ai ishte i përfshirë në dërgimin e kokainës, e cila përdorej nga klientët dhe eskortat, përfshirë vetë Lacerenza. Ky aktivitet i dyshuar ka shpërthyer pas zbulimeve të bëra nga autoritetet.
Në hetimet më të thella, dyshohet gjithashtu se Lacerenza ka qenë i përfshirë në pastrimin e parave, veçanërisht pasi dyshohet se ka sjellë para të mëdha në Shqipëri.
Mediat italiane raportojnë se në një histori të publikuar në Instagram nga Lacerenza vitin e kaluar, ai ka aluduar për “80 milionë euro para në bankë”, të cilat thuhet se ishin sjellë në Shqipëri nga Marchi. Lacerenza gjithashtu i referohet parave të sjella nga Marchi në një video të regjistruar në 5 maj.
Avokati i Stefania Nobile, Liborio Cataliotti, mohoi akuzat dhe theksoi se ajo nuk kishte kontribuar në shfrytëzimin e prostitucionit dhe se nuk kishte përfituar drejtpërdrejt nga kjo veprimtari. Ai njoftoi se do të ankimonte masën e arrestit të shtëpisë të vendosur për të.
