Përfaqësuesi i Partisë Demokratike Marash Logu, në prononcimin e tij në Komisionin Qendror të Zgjedhjeve, ka deklaruar se individë pranë Partisë Socialiste në Tiranë kanë dhënë para e përdorur kërcënime për të blerë vota.
Ndër të tjera Logu ka përmendur edhe emra personash, që sipas tij, kanë dhënë para e përdorur forma të tjera intimidimi për të siguruar sa më tepër vota për PS-në.
Gjithashtu Partia Demokratike ka kallëzuar edhe Tom Doshin.
“PD ka bërë kallëzim në SPAK për disa persona, që përdornin çdo mjet për të intimiduar zgjedhësit. Është krijuar strukturë e mirfilltë e blerjes së votës. Individë pranë PS kanë dhënë para e kanë përdorur kërcënime për të marrë vota.
Aleksandër Lipivjani është i punësua në shtet, ndërsa edhe të tjerët kanë interesa. Ardian Davidhi, nëpërmjet një shoqërie që e ka nën pronësi ka përfituar kontrata publike. PD ka kallëzuar Tom Doshin”, deklaroi ndër të tjera Logu. Kujtojmë se në një reagim pas vendimit të KAS, Logu tha se këta të fundit ishin ndikuar politikisht dhe kishin vepruar pa baza ligjore.
Më herët vendimin e KAS për qarkun e Gjirokastrës e ankimoi edhe Lëvizja Socialiste për Integrim që kërkoi ripërtëritjen e zgjedhjeve për Qarkun e Gjirokastrës në Bashkinë e Dropullit dhe shpalljen e pavlefshme të zgjedhjeve për gjithë qarkun.
Komisioni i Ankesave dhe Sanksioneve i rrëzoi kërkesat e PD dhe LSI duke i shpallur të vlefshme zgjedhjet. Gjithashtu LSI ka hedhur akuza edhe jatë shqyrtimit të çështjes në KAS për moslejimin e emigrantëve për të votuar në zgjedhje si dhe kishte indicie edhe për votim të dyfishtë.
