Para pesë vitesh u publikua lajmi se kryetari i Partisë Demokratike, Lulzim Basha ëshët financuar nga paratë ruse në fushatën zgjedhore të vitit 2017, ku kandidonte për kryeministër përballë Edi Ramës.
Ishte “Mother Jones” ajo që zbuloi skemën se si një kompani misterioze me bazë në Skoci kishte paguar një lobist amerikan të lidhur me republikanët për të ndihmuar një kandidat në Shqipëri dhe paratë me sa duket ishin të lidhura me Rusinë.
Së fundmi, dy gazetarët Dan Friedman dhe David Corn kanë sjellë të tjera detaje, që e bëjnë akoma dhe më të qartë këtë skemë, ku u përfshi Lulzim Basha.
Mësohet se në vitin 2017, lobisti Nick Muzin ishte punësuar për të fituar mbështetje në SHBA për Lulzim Bashën, i cili atëherë sfidonte kryeministrin aktual të Shqipërisë. Por një pagesë prej 150,000 dollarësh për shërbimet e Muzin kishte ardhur nga një burim i çuditshëm: Biniatta Trade LP, një kompani guaskë e regjistruar në Skoci nga dy kompani të tjera guaskë me bazë në Belize, ku kontrolloheshin nga shtetas rusë.
Sipas dy gazetarëve nuk ishte e çuditshme që Ruisa të jepte para një lobisti amerikan për të ndikuar zgjedhjet në Shqipëri. Asokohe kundërshtari i Bashës, Edi Rama po fliste për një mundësi që Shqipëria të niste një rrugë të re drejt BE-së. Kjo padyshim i prishte punë Rusisë dhe ndërpriste rritjen e ndikimit të saj në Ballkan.
Gazetarët shprehen se dokumentet e sapo zbuluara tregojnë se një shitës helikopterësh në Moskë drejtonte një kompani skoceze guaska që po paguante për lobim në Shtetet e Bashkuara për të ndihmuar një parti shqiptare që po sfidonte një qeveri të kryesuar nga një kryeministër kundër Putinit.
Historia se një person apo entitet në Rusi po përdorte një lobist amerikan për të ndikuar në zgjedhjet në Shqipëri, gjeneroi titujt e faqeve të para në Shqipëri.
Përfundimisht, prokurorët shqiptarë e akuzuan Bashën për pastrim parash dhe falsifikim dokumentesh në lidhje me këtë çështje. Kjo ndjekje penale më vonë u pezullua.
Marrë nga Mother Jones
Përpjekjet e bëra në emër të Bashës
Vitin e kaluar, një raport i Departamentit të Shtetit ofroi një sugjerim të fortë se pagesa e Biniatta Trade për Muzin ishte pjesë e një operacioni ndërkombsëtar të ndikimit klandestin rus. Në një përmbledhje të një rishikimi të inteligjencës amerikane, departamenti tha se Kremlini që nga viti 2014 kishte rrëshqitur të paktën 300 milionë dollarë për partitë politike dhe politikanët jashtë Rusisë “për të formësuar mjediset e jashtme politike në favor të Moskës”. Një burim i administratës i njohur me raportin i tha AFP-së se Rusia “shpenzoi rreth 500,000 dollarë për të mbështetur Partinë Demokratike të qendrës së djathtë të Shqipërisë në zgjedhjet e 2017”. (Muzin mori gjithashtu një pagesë prej 500,000 dollarësh lidhur me lobimin e tij shqiptar; origjina e këtyre fondeve është e diskutueshme.)
“Ne kemi qenë të qartë në lidhje me shqetësimin tonë në lidhje me aktivitetin e Rusisë për të ndikuar në procesin demokratik në vende të ndryshme anembanë botës, duke përfshirë edhe tonin,” tha një zëdhënës i Departamentit të Shtetit në atë kohë për Mother Jones, në përgjigje të pyetjeve në lidhje me financimin shqiptar.
“Shqetësimi ynë për aktivitetin e Rusisë në këtë drejtim nuk është me ndonjë vend, por me natyrë globale, ndërsa ne vazhdojmë të përballemi me sfida kundër shoqërive demokratike”.
