Deputetja Rudina Hajdari ishte e ftuar mbrëmjen e sotme në ReportTv ku foli për firmosjen e marrëshevjes mes opozitës parlamentare dhe mazhorancës për marrëveshjen e 5 qershorit, dhe listat e hapura .
Hajdari tha se listat e hapura duhet të jenë 100% të hapura pasi kjo është gjëja e duhur për qytetarët dhe një hap i rëndësishëm për vendin.
Deputetja tha se po punon për të gjetur një formulë të duhur të përfaqësimit gjinor me hapjen e listave 100%, por në këtë rast do i lihen në dorë partive nëse do i hapin 100% apo jo.
Gjithashtu Hajdari tha se për të është arritje dhe mbajte e premtimit nëse listat hapen edhe në mënyrë të pjesshme edhe pas firmosjes së marrëveshjes së 5 qershorit.
“Në mbledhje nuk ishte njëra palë dhe në atë moment është vështirë të bësh një diskutim të hapur dhe që kërkon konsensus. E rëndësishme është që ti komunikonim palës tjetër se arritëm një marrëveshje se një natë më parë nënshkruam një marrëveshje me mazhorancën. E kam theksuar disa here se 5 qershori sjell shumë pak risi dhe nuk është një marrëveshje e plotë dhe se nuk ishte e mjaftueshme për shqiptarët. Nëpërmjet angazhimit tonë bëmë të dukshme se listat e hapura tashmë janë një realitet. Listat e hapura duhet të jenë 100 % të hapura dhe në argumentin e ruajtjes së kuotës gjinore mund të gjejnë mënyra të tjera dhe jo me hapjen e pjesshme. Kam besimin se të gjithë do të shkojmë drejt listave të hapura, një hap i rëndësishëm për vendin. Jemi shumë afër fundit të këtij rrugëtimi. Qytetarët do të kuptojnë që jo vetëm do të kenë mundësi të kontribuojnë, të përfshihen në lista pa pasur pengesat që kanë pasur deri tani. Në momentin që listat hapen, çdo njeri garon në mënyrë të drejtpërdrejtë dhe nuk vjen në atë listë për të luftuar për dikë tjetër, ai do të jetë i barabartë me të gjithë. Për qytetarin që voton do kuptojë që ka më shumë fuqi. Ato parti që do t’i mbajnë listat e mbyllura do e kuptojnë që nuk do të mbështeten nga qytetarët. Do të ishte një pengesë për çdo format të ri që do të dojë të garojë. E kam dëgjuar shumë herë nga PD, një nga premtimet ishte listat e hapura“, tha Hajdari.
