Nga Hysni Gurra
Trinomi publiçitar i listës së Ramës për 11-majin merr formë.
Tërmeti lëshon bashkinë se komandanti do ta sjellë në Tiranë të bëjë ligje tani, boll më me punë të rëndomta bashkie.
Nëse do të kuptosh idenë dhe vlerësimin që ka Edi Rama për Parlamentin, shihi listën e deputetëve.
Nëse i referohemi emrave të fundit që duket se kanë marrë OK e Ramës për t’u bërë deputetë, si kryebashkiaku i Matit Agron Malaj, ish-gardisti i grupit zjarrit të 21-janarit, Ervin Demo në Berat, një nga palgjiaturistët ekselent të Universitetit të Tiranës që u bë kryetar bashkie dhe tani do te bëhet deputet, qershia mbi tortë, Tërmet Peçi dora vetë.
Plubliçitari i famshëm i Tepelenës dhe gjithë Shqipërisë.
Nga të rrallët që i thërret Edi Ramës Komandant, siç i thërriste gjyshi shokut Enver.
Tërmet publiçitari duket se është zgjedhja e Ramës për të vënë në garë mes tyre në Parlament intelektualë të shquar, Tërmeti do jetë në konkurencë me Elisën për shembull.
Të dy shquhen për epitete publike ndaj liderit madhështorë, por zgjedhja e Ramës për ta fut Tërmetin në Parlament tregon se qëllimi është i qartë.
Mes Elisës dhe Tërmet publiçitarit, ky i fundit është më origjinal në lavdërimin e liderit, se Tërmeti i shkretë e beson atë që thotë, Elisa e bën edhe për politikë, si të thuash edhe tallet nga pak me liderin e madh kur i thërret Skënderbe.
Tërmeti nuk e fsheh, as nuk duket se e ka kompleks intelektualizmin e tij, dhe kjo është një gjë e mirë, të paktën nuk shtiret.
Rama, si gjahtar ekselent intelektualësh ka goditur në shenjë edhe këtë radhë, ka përfshirë në listë:
-Një intelektual si Tërmeti.
– Një qitës safi si Gon Malaj, se do vijë 21-janari prap, s’mund të dalë Bela me Braçen përsëri me karafila në bulevard, plus që janë edhe në sherr njëri me trejtrin, tani do dalë Goni, ai që e njeh pëllëmbë për pëllëmbë atë bulevard.
– Dhe sigurisht nuk mund të mungonte një hajdut intelektual (një plagjiaturist) si Ervin Demo, kjo për t’ia bërë edhe më të vështirë punën Altin Dumanit.
