Gjyqtarja e Elbasanit, Enkeleda Kapedani liroi pak kohë më parë nga burgu, Viktor Ymerin, i cili njihet ndryshe edhe si “Tori i Xhihanes”.
Kapedani la në fuqi vendimin e Apelit të Durrësit.
Vendimi i gjyqtares sështë zbardhur nga “Balkanweb”.
Viktor Ymeri ka vuajtur një pjesë të dënimit në Burrel, përpara se të transferohej në Peqin.
Ai ka qenë i dënuar për dy vrasje të kryera në vitin në 1999, si pjesë e bandës së Gaxhait.
Ymeri është daja i Edison Harizajt, i ekzekutuar pak kohë më parë në Durrës, ngjarje kjo e pazbardhur ende.
Prokuroria ka thënë se do të apelojë vendimin për lirimin e Ymerit.
Sipas organit të akuzës, gjyqtarja ka bërë gabim, pasi ka llogaritur si kohë dënimi, ditët e punës së kryer në burg.
Viktor Ymeri është një nga njerëzit më problematikë në Vlorë.
Ai konsiderohet si një nga njerëzit më të afërt të Gazmend Brakës i njohur si “Gaxhai”.
Së bashku me Gaxhain, në 1999 Ymeri ekzekutoi me breshëri kallashnikovi në Durrës Ilir Xhungën dhe Arben Pajën, të cilët ishin pjesë e një bande në qytetin bregdetar.
Fillimisht ndaj tyre u qëlluar me predhë antitanku, ndërsa më pas mbi ta u zbarzën plumbat e kallashnikovit.
Në lidhje me ngjarjen, policia arrestoi Gaxhain dhe Ymerin, brenda shtëpisë së një doktori në Durrës.
Ymeri u dënua me 25 vite burg nga Gjykata e Apelit dhe pjesën më të madhe të dënimit thuajse e ka kryer.
