Autori i aksidentit të rëndë që ndodhi në rrugën “Xhanfize Keko”, në Tiranë, ku u fut me makinë në trotuar dhe për pasoj plagosi rëndë një këmbësore, është liruar nga masa “Arrest me burg” dhe tashmë ndodhet në shtëpi. Vendimi u dha ditën e djeshme, por duket se Prokuroria nuk është pajtuar me vendimin e Gjykatës.
Mësohet se Prokuroria e Tiranës i ka kërkuar Gjykatës ndryshimin e masës nga “Arrest në shtëpi” në “Arrest me burg” për Jehon Breçanin, djalin e ish-drejtorit të policisë, Erzen Breçani.
Kujtojmë se ngjarja e rëndë ndodhi më 10 qershor në rrugën e quajtur “Xhanfize Keko”, në kryeqytet. Mjekët u detyruan që t’i prisnin njërën këmbë Xhesina Gegës për shkak të dëmtimeve të rënda që kishte marrë nga aksidenti. Por pavarësisht aksidentit të rëndë, gjykata vendosi që ta lirojë nga burgu të riun. E reja po qëndronte në trotuar kur 19- vjeçari e ka përplasur me makinën e tij me të cilën po ecte me shpejtësi “vrastare”. Për pasojë vajza mori dëmtime të rënda dhe mjekët u detyruan t’i presin njërën këmbë.
I riu u arrestua nga policia, por kur nuk kanë kaluar veçse pak ditë, mësohet se Gjykata ka ndryshuar masën e sigurisë ndaj tij nga “arrest me burg” në “arrest shtëpie”.
