Zbulohet drafti i propozuar për antishpifje, dy muaj më pare nga kryeministri Rama i cili u shoqërua me shumë debat. Sipas ndryshimeve ligjore në media, të gjitha portalet duhet të rregjistrohen.
Portalet duhet të krijojnë një hapsirë ku të gjithë njerëzit të mund të bëjnë ankesat e tyre ndaj lajmeve që publikohen, raporton “newsbomb.al”.
Qytatari ka të drejtën e tij që të ankohet dhe nëse portali nuk reflekton, qytetari mundet të ankohet në Këshillin e Ankesave pranë AMA.
Qeveria ka parashikuar disa sanskione të forta, madje më të rënda se sa për televizionet. Nëse nuk portal nuk reflekton ndaj një ankese, mund të gjobitet maksimumi me 10 milionë lekë të vjetra. Gjithashtu, nëse një portal merr nga ama 5 masa administrative, atëherë AKEP mund ta pezullojë portalin për 1 vit nga interneti.
Ndërsa për një televizion kjo gjobë është maksimumi 4 milionë lekë të vjetra. Këto ndryshime ligjore janë tepër drastike. Nëse një televizion mund të gjobitet me 4 milionë, pse nje portal me 10 milionë? Kjo masë mund të shërbejë që të frikësojë portalet, gjë që i vendos në shantazh ndaj fjalës së lirë.
Burime thonë se keto ndryshime nuk do mirëpriten nga aktorët ndërkombëtare si OSBE dhe BE.
