Dy punonjës të OSHEE, të cilët ndonëse konstatojnë lidhje të paligjshme të energjisë në lokalin Panorama në Dajt, nuk marrin asnjë masë.
Ky rast është denoncuar nga Dosja.al, që ka publikuar edhe një video të rastit në fjalë.
Kjo lidhje është shkelje e rëndë dhe përkthehet në një humbje prej disa milion lekësh në muaj.
Pas konstatimit, punonjësit e OSHEE kanë ndjekur procedurën për ndëshkimin sipas ligjit të lokalit dhe pronarit, por nuk u mor asnjë masë, megjithëse shkelja është konstatuar rreth 3 muaj më parë.
Dosja.al ngre pikëpyetje në lidhje me këto veprime.
Sipas saj, kjo dëshmon lidhjen e fortë që ka qeveria me këtë biznes.
Rama dhe Veliaj organizojnë shpesh takime pune ose personale në ambjentet e këtij lokali.
Për më tepër, sipas portalit në fjalë, djali i pronarit të lokalit, K. D. është drejtor i një drejtorie tek Autoriteti i Lojërave të Fatit, fakt që konfirmon lidhjet e ngushta të pronarit të bar-restorant – hotel Panorama me qeverinë.
Megjithatë, çdo gjë mbetet në kuadrin e aludimeve, sepse asgjë nuk është e vërtetuar.
