Shërbimet e Komisariatit të Policisë Fier vijojnë punën për kapjen e personave që disponojnë armë zjarri pa leje, me qëllim parandalimin e ngjarjeve kriminale dhe rritjen e parametrave të sigurisë në qytet.
Në bazë të informacioneve të marra autoritetet e Policisë së Fierit kanë goditur një tjetër rast të armëmbajtjes pa leje, duke bërë të mundur kështu arrestimin e një 44-vjeçari.
Në pranga ka rënë shtetasi Artur Muka(Plaku), pasi falë kontrolleve të kryera nga forcat e policisë i është gjetur në makinë një armë zjarri automatik dhe një krëhër me 30 fishekë.
Njoftimi i plotë i policisë:
Shërbimet e Komisariatit të Policisë Fier, në vijim të punës për kapjen e personave që disponojnë armë zjarri pa leje, me qëllim parandalimin e ngjarjeve kriminale dhe rritjen e parametrave të sigurisë në qytet, në bazë të informacioneve të mara në rrugë policore, arrestuan në flagrancë shtetasin Artur Muka(Plaku), 44 vjeç, banues në Fier.
Shërbimet e Policisë në lagjen “1 Maji” gjatë kontrollit të automjetit tip “Citroen” në pronësi të shtetasit Artur Muka(Plaku), gjetën të fshehur në kofano një armë zjarri automatik dhe një krëhër me 30 fishekë, të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Fier për veprën penale “Mbajtja pa leje e armëve dhe municionit luftarak”.
