Një 44-vjeçar është arrestuar në Shkodër gjatë operacionit “Square” për armëmbajtje pa leje.
Isak Mema, i cili akuzohet për prodhimin dhe mbajtjen pa leje të armëve, u kap në flagrancë me një pistoletë dhe 14 fishekë.
Gjatë operacionit, i realizuar nga Forca e Posaçme “Shqiponja” dhe specialistët e Komisariatit të Policisë Shkodër, u lokalizua automjeti i tij dhe u bë kontrolli, ku u gjet arma e zjarrit. P
istoleta është sekuestruar dhe do t’i nënshtrohet ekspertizës në Institutin e Policisë Shkencore. Materialet u kaluan Prokurorisë për procedura të mëtejshme.
Njoftimi i policisë:
Finalizohet operacioni policor i koduar “Square”, për goditjen e një rasti të armëmbajtjes pa leje. Lëvizte me armë zjarri pistoletë, në qytet, kapet në flagrancë dhe vihet në pranga 44-vjeçari. Sekuestrohet pistoleta me krehër me fishekë. Pistoleta do të dërgohet në Institutin e Policisë Shkencore, për ekspertizë.
Në zbatim të planit të masave për rritjen e parametrave të sigurisë, duke evidentuar dhe goditur veprimtaritë kriminale, bazuar dhe në informacionet e siguruara nga inteligjenca policore, për një shtetas që qarkullonte me armë zjarri, në qytet, shërbimet e Forcës së Posaçme “Shqiponja”, në bashkëpunim me specialistët për Hetimin e Krimeve të Komisariatit të Policisë Shkodër, kanë organizuar dhe finalizuar operacionin e koduar “Square”, për lokalizimin dhe kapjen e këtij shtetasi.
Si rezultat i këtij operacioni, u arrestua në flagrancë shtetasi I. M., 44 vjeç, banues në Laknas, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Gjatë operacionit, në sheshin “Isa Boletini”, shërbimet e Policisë kanë lokalizuar automjetin në të cilin qarkullonte shtetasi I. M., i dyshuar për armëmbajtje pa leje. Gjatë kontrollit fizik, atij i është gjetur një armë zjarri pistoletë me një krehër me 14 fishekë, e cila u sekuestrua në cilësinë e provës materiale. Materialet procedurale i kaluan Prokurorisë, për veprime të mëtejshme.
