Mëngjesin e sotëm, biznesmenin nga Shkodra, Nikelin Shqau do ta zgjonte alarmi i makinës së tij. Mjeti i llojit “Tiguan” kishte rënë pre e një sulmi, teksa gjendej i parkuar përpara derës së shtëpisë së tij në Hot të Ri. E goditur me shufër hekuri, makina mbeti e dëmtuar në pjesën e përparme, teksa xhamat u bënë copë e çikë.
Teksa nxitoi të dilte jashtë, biznesmeni gjendi brenda mjetit të tij shufrën e hekurit të përdorur, e cila jep shpresë për zbardhjen e ngjarjes. Autoritetet shpresojnë në një pakujdesi, çka nënkupton lënien e shenjave të gishtërinjve. Përpos shufrës, në anën e djathët të mjetit, pranë pasqyrës, Shqau gjeti një letër të shkruar, një mesazh të lënë për të.
Në një kohë ende nuk dihet se çfarë është shkruar, ngjarja, e favorizuar nga orët e para të mëngjesit kaloi pa u vënë re nga asnjë kalimtar. Nga ana e tij, Shqau është shprehur se nuk ka konflikte me njeri. I vetmi i dyshuar për momentin është një person i cili i ka kërkuar pronarit Shqau, që ta marrë në punë te bizneset e tij dhe ky i fundit ka refuzuar për një sërë arsyesh.
Ndërkohë gupi hetimor ka mbledhur kamerat e sigurisë në zonë dhe ka nisur marrjen në pyetje të banorëve , për të zbardhur ngjarjen.
