Me urdhër të Prokurorisë së Posaçme, SPAK, policia e Tiranës ka arrestuar 14 zyrtarë të strukturave shëndetësore ,punonjës të Sigurimeve Shoqërore. Sipas policisë këta punonjës lëshonin libreza shëndetësore me qëllim punësimin, por në mënyrë abuzive.
Punonjësit e ISHSH akuzohen për shpërdorim detyre, duke lëshuar libreza punësimi në mënyrë abuzive.
Ndërkohë që disa prej të arrestuarve akuzohen për shpërdorim detyre duke marrë rryshfet nga subjekte tregtare, të cilat i gjenin me shkelje pas kontrolleve të kryera në to.
Akuzat që rëndojnë mbi ta janë: “Korrupsion pasiv i personave që ushtrojnë funksione publike”, “Ushtrimi i ndikimit të paligjshëm ndaj personave që ushtrojnë funksione publike” dhe “Shpërdorim detyre”.
Nën hetim nga SPAK janë 5 inspektorë të Institutit Shtetëror Shëndetësor 8 punonjës të Njësisë Vendore të Kujdesit Shëndetësor dhe Qendrave Shëndetësore të ndryshme në Tiranë, administratorë dhe përfaqësues të disa bizneseve të ndryshme dhe një punonjës i Drejtorisë Rajonale të Operatorit të Shërbimit të Kujdesit Shëndetësor Tiranë.
Aktualisht janë dhënë 9 “masa arrest shtëpie”, 2 “arreste me burg” dhe 3 pezullime nga detyra.
Emrat e zyrtarëve të Shëndetësisë dhe masat paraprake të sigurisë:
“Arrest me burg”: Niko Nika, Hazis Lura.
“Arrest në shtëpi”: Eda Myftari, Ihsan Hasani, Franc Daija, Ilir Hoxha, Ornela Balla, Johana Sinani, Arjan Gjoka, Evald Bejaj.
“Pezullim të ushtrimit të detyrës”: Luiza Metani (Goduni), Diana Hysi, Marinela Sulmina (Hysi).
