Lëkundje tërmeti janë ndjerë në vendin tonë pak më parë, të cilat kanë rikthyer edhe një herë panikun tek banorët.
Në bazë të të dhënave dhënave të publikuara në faqen zyrtare të Institutit të Gjeoshkencave, Energjise, Ujit dhe Mjedisit, lëkundja kishte pesë kilometra thellësi. Ndërkohë, Epiqendra e tërmetit ka qenë në Detin Adriatik, 11 kilometra larg Lezhës, në Shëngjin.
Mësohet se banorët kanë dalë të alarmuar nga banesat në rrugë dhe paraprakisht raportohet se lëkundjet e tokës janë ndjerë edhe në Kurbin njaft të forta. Deri tani fatmirësisht nuk është raportuar për ndonjë dëm të mundshëm material.
Kujtojmë që Lezha ka qenë gjithashtu një prej qyteteve të prekura edhe nga tërmeti i rëndë i 26 nëntorit i vitit 2019.
Si pasojë e tërmetit tragjik të 26 nëntorit humbën jetën 51 persona dhe u plagosën më shumë se 1 mijë të tjerë. Dy zonat që u prekën më shumë ishin Durrësi e Thumana, ku pati më shumë viktima e ndërtesa të shkatërruara. Lëkundjet u ndjenë po ashtu në qytete e në kryeqytet. Tërmeti i fuqishëm i shkallës 6.4 që u ndje në orët e para të mëngjesit la shumë persona të pastrehë dhe me procesin e rindërtimit ende në vazhdim, shumë prej tyre janë ende pa një shtëpi.
