Pas pezullimit të lejeve të ndërtimit, qeveria ka nisur punën për rindërtimin në qarqet e goditura nga tërmeti.
Ditën e sotme është miratuar edhe procedura e përshpejtuar, për rindërtimin në Durrës, Tiranë e Lezhë.
Sipas vendimit të qeverisë, bashkitë brenda 5 ditëve, do të vendosin me procedurë të përshpejtuar për pajisjen me leje ndërtimi, për rindërtimin, riparimin apo restaurimin e objekteve të dëmtuara nga tërmeti.
Autoriteti përgjegjës për miratimin e lejeve është kryetari i bashkisë.
Dokumentet që duhet të paraqesin aplikuesit janë:
- Akti i konstatimit për objektin e dëmtuar, i hartuar nga strukturat përkatëse, të ngarkuara nga legjislacioni në fuqi.
- Projekti teknik/konstruktiv i hartuar nga Instituti i Ndërtimit, bashkia përkatëse, apo projektuesit e licensuar.
