Ish-ministri Lefter Koka ka sulmuar sërish partinë ku dikur bënet pjesë, Lëvizjen Socialiste për Integrim. Në një postim në rrjetet sociale ai shkruan se LSI është një parti që ka lindur nga inati e mllefi dhe këto po e shuajnë. Koka thotë se LSI ka treguar se nuk ka pasur vizion e se janë një grusht njerëzish të etur për pushtet e para. Ish-ministri shkruan se shpifjet ndaj tij nuk e trembin dhe nuk e shqetëspjnë. Kujtojmë që Lefter Koka nuk pranoi të digjte mandatin me LSI-në, por mbeti pjesë e parlamentit. Tashmë ai është përfshirë në listat e PS për zgjedhjet e 25 prillit.
Postimi i plotë:
Kohë e humbur të merresh me ju. Baltosja është e vetmja çfarë ju dini të bëni dhe habitem si vonuat kaq shumë!
Por 2 fjalë në respekt të bashkëqytetarëve të mi po i them.
Ju lindët si parti inati e mllefi dhe po këto po ju shuajnë. Ndër vite treguat se jo vetëm nuk patët program apo vizion , por jeni partia e një grusht njerëzish të etur për pushtet, etje, para. Të mbarsur me mllef ndaj më të mirëve, ndaj çdokujt që ka ditur t’ja dalë vetë.
Ju besoni te intriga dhe te shpifja! Kulti juaj është mosmirënjohja dhe E Keqja mishërohet veç te ju!
Ju e dini dhe më njohët mirë, mua nuk më shqetësoni !
Në 25 Prill çerdhja juaj mbyllet!
