Ditën e sotme Gëzim Xhafa është zgjedhur zëvendësuesi i kryebashkiakut të Bulqizës, Lefter Alla. Theksojmë se Gëzim Xhafa ishte i vetmi kandidat që hyri në garë dhe mori 11 vota nga 16 anëtarë të pranishëm, 4 kundër e 1 e pavlefshme. Ai dha dorëheqjen nga drejtimi i këshillit, detyrë që e mbante deri më sot.
Kujtojmë që Lefter Alla u arrestua me urdhër të Prokurorisë së Posaçme Kundër Korrupsionit dhe Krimit të Organizuar 9SPAK), pasi akuzohet për abuzime me tenderat. Mbledhja u zhvillua sot dhe ishin këshilltarët ata që kanë propozuar Xhafën për të zëvendësuar Allën.
Kryetari i Bashkisë së Bulqizës, Lefter Alla u vu në pranga pak ditë më parë. Ndaj tij rëndojnë dy akuza, korrupsion dhe abuzim me tenderat publikë. Bashkë me Allën është vënë në pranga dhe nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku. Këta persona në bashkëpunim me njëri-tjetrin dyshohet se kanë kryer veprime të paligjshme në dhënien e një tenderi me vlerë 3 milionë euro për ndërtimin e një Ujësjellësi në qytetin e Bulqizës. Tenderi i bashkisë drejtuar nga Alla, u fitua nga një kompani BOE England e cila mendohet se u favorizua gjatë procedurës. Por punimet, u kryen nga një tjetër kompani, OE 2AF Albania shpk, lidhje shoqërore e kryetarit të Bashkisë
